OP/318-VOCABULARIO GALEGO-ITALIANO

O interese crecente que se experimenta nos ámbitos profesional, institucional e docente respecto á proxección e o desenvolvemento da moderna gastronomía constitúe o estímulo do presente Vocabulario galego-italiano: gastronomía. Como na primeira entrega desta serie de vocabularios (Vocabulario galego-italiano: hostalería, 2010) tamén neste caso é a forte demanda social, froito das necesidades comunicativas do público en contextos específicos o que fai necesaria a creación de ferramentas útiles e actualizadas que permitan unha mellora do sector servizos e, neste caso, de todos os campos relacionados coa gastronomía. Este vocabulario pretende atender as necesidades específicas do ámbito gastronómico, proporcionando aos profesionais do sector e tamén aos profesores e estudantes unha ferramenta funcional e actual que lles permita acceder a todo tipo de informacións relativas a este ámbito.