GALLAECIA. ESTUDOS DE LINGÜÍSTICA PORTUGUESA E GALEGA

En xullo de 2015 o Instituto da Lingua Galega da Universidade de Santiago de Compostela tivo a honra de acoller o Gallaecia. III Congresso Internacional de Lingüística Histórica. Homenagem aos professores Ramón Lorenzo e Antón Santamarina. A antiga Gallaecia romana, evocada no nome do congreso e no título desta publicación, foi sen dúbida o berce das actuais linguas galega e portuguesa, na súa variedade europea ou ultramarina; tres realidades hoxe diferentes que, igual ca as pólas do tríscele celta tomado como símbolo do III CILH, parten dun núcleo común que as mantén unidas para sempre dun xeito tal que cada unha só ten sentido pleno en unión coas outras. Pretendiamos visualizar deste modo tanto o ámbito xeográfico no que se ía desenvolver o congreso coma o ámbito histórico medieval que foi berce de moitos dos aspectos que ían ser tratados. Como se pode observar nunha superficial ollada ao índice de traballos, a variedades temática é grande, unha diversidade nos aspectos tratados que non deixa de ser o reflexo da riqueza temática do congreso